Silk Way

01.06.2011

2015-ci ildə “Silk Way Business Aviation” şirkəti “Gulfstream” korporasiyasının ən yeni modeli olan “G650” təyyarəsini əldə edəcək. Ən uzun uçuş məsafəsini qət edən bu təyyarə daha geniş salona malikdir.
Təyyarənin təkmilləşdirilmiş aerodinamik dizaynı onun maksimal sürətini 0,925 maxayadək çatdırmağa imkan verməklə bu modeli mülki aviasiyanın ən sürətli hava gəmisinə çevirir. Təyyarə 15545 metr hündürlükdə uçmağa qadirdir, bu isə aviadəhlizlərdə əmələ gələn tıxaclardan və əlverişsiz havanın təsirindən qorunmağa imkan verir.

G-650 biznes-sinfin ən qabaritli, yüksək sürətli reaktiv təyyarəsi olaraq, biznes aviasiyanın əsl qızıl standartı olacaq.  Bu Gulfstream şirkətinin ən yaxşı gəmisi olmaqla  ənənəvi  biznes-cetlərdən fərqli olaraq ən uzaq məsafələrə daha tez çatacaqdır. G-650 təyyarəsi  imtiyazlı sərnişinlərinin rahatlığını bu kateqoriyadan olan digər təyyarələrlə müqayisədə daha yüksək səviyyədə təmin edəcəkdir.